傳沈月改藝名AYLA韓國出道 網民嫌老成：阿媽邱淑貞都贏

邱淑貞1999年同富商沈嘉偉結婚之後就淡出娛樂圈，不過仍會不時出席活動，依舊美艷動人。近年大家嘅焦點開始落喺佢漸漸長大嘅大女沈月身上，唔組唔覺已經20歲嘅佢成為備受注目嘅時尚名媛，早年已經有唔少娛樂公司向佢招手，不過一直都只聞樓梯響，而近日又傳出佢將會喺韓國出道，再次引起大家熱烈討論。

同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶

{{hket:ul-video id="5727"}}{{/hket:ul-video}}

{{hket:inline-image name="279622711_3355197641418454_7981011786737964070_n.jpg"}}{{/hket:inline-image}}

沈月被封為「最美星二代」之一，有指佢2022年2月開始以英文名「Ayla」遠赴南韓發展演藝事業。事緣係沈月喺Instagram上分享自己到首爾藝術中心嘅相片，觀賞鋼琴家朗郎音樂會；之後又同知名韓星Super Junior希澈一齊享用下午茶，頭貼頭仲大玩換裝，關係似乎好close。隨後，沈月再受邀參加當地時尚品牌活動，睇騷時高調坐第一排，並與EXO世勳、丁海寅等韓星拍照，冇咁上下身份都做唔到呀！

而傳出沈月即將於南韓出道的消息後，網民都唔太睇好，留言：「她感覺還是輸媽媽一大截。」、「還是邱淑貞比較美。」、「係咪化妝問題，感覺好老……」、「一啲都唔似廿歲，都係唔好出道啦。」，不過都有粉絲表示期待：「其實已經比很多人美，只是媽媽珠玉在前。」

撰文：黃蘊姿